Галт зэвсгийн тооллого улсын хэмжээнд явагдаж байна

Монгол Улсын Галт зэвсгийн тухай хууль, Хууль зүй, дотоод хэргийн сайдын 2015 оны А/220 дугаар тушаалаар баталсан “Галт зэвсгийн тооллого явуулах журам”-д иргэн, хуулийн этгээдийн өмчлөлд байгаа галт зэвсгийн тооллогыг жил бүр зохион байгуулдаг. Энэ ажлын хүрээнд Цагдаагийн ерөнхий газраас 2018 оны 10 дугаар сарын  12-ны өдрөөс эхлэн 45 хоногийн хугацаанд  галт зэвсгийг бүртгэх, гэрчилгээжүүлэх ажлыг улсын хэмжээнд зохион байгуулж байна.

Галт зэвсгийн тооллогоор 2016 онд нийт галт зэвсэг эзэмшигчдийн 70.6 хувь, 2017 онд 78.1 хувь нь хамрагдаж  байжээ. Мөн тооллогын явцад галт зэвсэг, сумны хууль бус үйлдэл, наймааг таслан зогсоох ажиллагааг явуулах юм байна.

Хэрэв заагдсан хугацаанд галт зэвсгээ бүртгэлд хамруулаагүй тохиолдолд Зөрчлийн тухай хуулийн 5.6 зүйлийн 5.6.5 дахь хэсэгт зааснаар иргэнийг 40 нэгжтэй тэнцэх, хуулийн этгээдийг 400 нэгжтэй тэнцэх хэмжээний төгрөгөөр торгох хуулийн хариуцлага хүлээхийг анхаарна уу.

Иймд иргэд олон нийт та бүхэн тооллогод идэвхтэй хамрагдаж өөрийн эзэмшдэг, өмчилдөг галт зэвсэг, түүнтэй адилтгах хэрэгсэлээ харьяа нутаг дэвсгэр хариуцсан цагдаагийн байгууллагад заасан хугацаанд нь бүртгүүлж, хуулиар олгогдсон үүргээ биелүүлэхийг уриалж байна.

Сэтгэгдэл үлдээх бол ЭНД дар

Холбоотой мэдээнүүд

Нийслэлийн хэмжээнд зам тээврийн осол 15.6 хувиар буурчээ...

Үзсэн: 102018-11-13 08:11

Натур төв орчмын явган хүний зам хаасан хашааг албадан буулг...

Үзсэн: 92018-11-12 07:40

Сонгинохайрхан, Баянзүрх дүүргийг хуваах асуудлыг НИТХ дэмжи...

Үзсэн: 152018-11-05 08:03

Copyright © 2018 Хуулбарлахыг хориглоно.