ITM Mongolia олон улсын аялал жуулчлалын үзэсгэлэн тун удахгүй

Аялал жуулчлалын хамгийн том үзэсгэлэн ITM Mongolia-д оролцогчдын тоо нэмэгджээ Монголын Аялал Жуулчлалын Холбооноос ITM Mongolia олон улсын аялал жуулчлалын үзэсгэлэнг Мишээл экспо төвийн үзэсгэлэнгийн танхимд 2019 оны 3 сарын 29, 30, 31-ний өдрүүдэд зохион байгуулахаар товлоод байна.

Тус үзэсгэлэн нь оролцогчдын тоо, цар хүрээ, хилийн чанад дахь бизнес эрхлэгчдийг хамруулах тал дээр хамгийн томд тооцогддог юм. Зохион байгуулалтын хувьд аялал, жуулчлалын алс ирээдүйд анхаарвал зохих бүх байгууллагуудыг хамруулдгаараа онцлогтой. Зочид буудал, ресторан, амралт зугаалгын газар, үзвэр үйлчилгээний байгууллагуудын төлөөллүүд энэ үзэсгэлэнд үйл ажиллагааны танилцуулга, сурталчилгаагаа явуулснаар түншлэлийн гэрээ байгуулдаг билээ.

ITM Mongolia үзэсгэлэнд оролцогч дотоодын байгууллагууд, хилийн чанадаас оролцогчдын тоо жилээс жилд нэмэгдсээр байна. Тур оператор компаниуд, зочид буудал, жуулчны бааз, гэст хаус, их дээд сургуулиуд, гадаадын төсөл хөтөлбөр, жуулчин тээврийн үйлчилгээ эрхлэгч авиа компаниуд, урлаг соёлын байгууллага, аялал жуулчлалын дагалдах бүтээгдэхүүн үйлдвэрлэгчид гээд нийт 280 гаруй байгууллага эл үзэсгэлэнд оролцохоор бүртгүүлээд байна. Дотоодын аялал жуулчлал хөгжих суурь тавигдаж буй энэ цаг үед ITM Mongolia-г үзэж сонирхох иргэдийн тоо ч жилээс жилд нэмэгдэж байгаа аж.

Сэтгэгдэл үлдээх бол ЭНД дар

Холбоотой мэдээнүүд

Мисс А.Дэлгэрцэцэг “Mrs International World” тэмцээнд оролцо...

Үзсэн: 1115 цаг 45 минутын өмнө

Шуурхай мэдээ: Шуурга намжих хүртэл түр зогсолт хийхийг зөвл...

Үзсэн: 216 цаг 17 минутын өмнө

Зөвшөөрөлгүй хашаа, хайсыг цэгцлэх ажил эхэллээ

Үзсэн: 12019-04-19 07:50

Copyright © 2019 Хуулбарлахыг хориглоно.