
- Сэтгүүлч
- 2024/02/22
- 246
Удаан хугацааны хадгалалтад байсан техникүүдийг засварлаж эхэллээ
Улс орон даяар хаваржилт хүндэрч, Засгийн газрын тогтоолоор аймгуудад шуурхай бүлэг байгуулагдан ажиллаж байгаа энэ үед Зэвсэгт хүчний 20 гаруй нэгтгэл, ангийн алба хаагчид 12 аймгийн нутаг дэвсгэрт ажиллаж байна.
12 аймагт 24 цагаар үүрэг гүйцэтгэж байгаа бүрэлдэхүүндээ хүч нэмэгдүүлэх зорилгоор Батлан хамгаалахын сайд, Зэвсэгт хүчний Жанжин штабын даргын тушаалаар удаан хугацааны хадгалалтад байсан зарим нэгж техникүүдийг богино хугацаанд засварлаж, үйлчилгээнд гаргахаар боллоо.
Үүний эхлэл болгож Зэвсэгт хүчний 120 дугаар ангийн удаан хугацааны хадгалалтад байсан “Урал”, “Зил-131” зэрэг 16 нэгж техникийг 2 дугаар сарын 21-ний энэ өдрөөс эхлэн Зэвсэгт хүчний 011 дүгээр засварчин дайчид өргөн бүрэлдэхүүнтэйгээр засварлаж эхэллээ. ЗХЖШ-ын даргын тушаалаар Засвар үйлчилгээний шуурхай бүлэг байгуулагдсан бөгөөд тэд богино хугацаанд буюу 2-3 хоногтоо багтаан засварлаж, үйлчилгээнд гаргахад бэлэн болгох юм.


Эх сурвалж: Монгол Улсын Батлан хамгаалах яам
Санал болгох
-
“MONGOLIA-EU HUMEN RIGHTS DIALOGUE” буюу “Монгол Улс-Европын Холбооны хүний эрхийн яриа хэлэлцээ” сэдэвт уулзалт Гадаад харилцааны яаманд боллоо.
-
Уул уурхайн бүтээгдэхүүний экспортыг нэмэгдүүлэх, гадаад валютын улсын нөөцийн нөхцөл байдлын талаар Сангийн сайд Б.Жавхлан Засгийн газрын хуралдаанд мэдээлэл х...
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.
Сэтгэгдэл