Олон улсын мэдээлэл зүйн онлайн олимпиадаас монгол сурагч алтан медаль хүртлээ
Энэ жилийн олон улсын Мэдээлэл зүйн 32 дугаар олимпиад анх удаагаа онлайнаар Сингапур улсад амжилттай боллоо. Тус олимпиадад дэлхийн 87 орны 346 сурагч оролцож мэдлэг оюун, авьяас чадвараа сорин уралдлаа.
Монгол Улсаа төлөөлөн Сант сургуулийн 11 дүгээр ангийн сурагч, олон улсын мэдээлэл зүйн олимпиадын мөнгөн медальт А.Нямдаваа, мөн сургуулийн 10 дугаар ангийн сурагч Ш.Билгүүдэй, Эрхэт-Эрдэм сургуулийн 12 дугаар ангийн сурагч Б.Бадрангийх, мөн сургуулийн 10 дугаар ангийн сурагч Б.Хангал нар оролцсон юм.
Сурагч А.Нямдаваа алтан медаль хүртсэн бөгөөд энэ нь олон улсын мэдээлэл зүйн олимпиадаас хүртэж буй Монгол Улсын анхны алтан медаль юм.
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.
Сэтгэгдэл