Politic Logo

БНХАУ-аас ирсэн ажилчдын тусгаарлах хугацаа дууссан тул өнөөдрөөс Налайхын зам засварын ажлыг эхлүүлнэ. Гэхдээ зам засварын хугацаанд Налайхын 20.9 километр авто зам бүрэн хаахгүй гэж Нийслэлийн Авто замын хөгжлийн газраас мэдээллээ.

Харин Улиастайн уулзвараас хуучин Баянзүрхийн гүүр хүртэл 1.7 км замыг хэсэгчлэн хаана. Засварын ажил ирэх сарын 20-ныг дуустал үргэлжлэх юм. Энэ хугацаанд хөдөлгөөнийг хэвийн үргэлжлүүлэх зорилгоор шинэ гүүртэй холбогдсон замуудыг нээлттэй байлгахаар болжээ.

Мөн Тэрэлж рүү салдаг зам болох Оргилын уулзвараас урагш Налайхын замд нийлдэг шороон замыг түр хааж хатуу хучилттай болгох ажил хийгдэнэ. Энэ зам засварын ажил өнөөдрөөс эхэлж, аравдугаар сарын 25-нд дуусна.