COP17-ын Ногоон бүс олон нийтэд нээлттэй ажиллана
COP17-ын хүрээнд ажиллах Ногоон бүс өнөөдөр буюу наймдугаар сарын 18-ны 10:00 цагт нээлтээ хийнэ. Ногоон бүс нь иргэд, хувийн хэвшил, иргэний нийгэм, залуучууд, эрдэм шинжилгээний байгууллагууд оролцох боломжтой нээлттэй талбар юм. Энд байгаль орчны шийдэл, шинэ санаа, инновац, сайн туршлага, төсөл хөтөлбөрүүдийг танилцуулж, хамтын ажиллагааны боломжуудыг хэлэлцэнэ.
Нээлтийн арга хэмжээнд Байгаль орчин, уур амьсгалын өөрчлөлтийн сайд, COP17-ыг зохион байгуулах Үндэсний хорооны дарга Ц.Сандаг-Очир, НҮБ-ын Цөлжилттэй тэмцэх тухай конвенцын Гүйцэтгэх нарийн бичгийн дарга Ясмин Фуад болон байгаль хамгаалагчдын төлөөлөл оролцоно.
Мөн Морин хуурын найрал хөгжим, үндэсний дуу хөгжим, балетын уран бүтээл зэрэг соёл, урлагийн тусгай тоглолт толилуулах юм.
Сэтгэгдэл