- Сэтгүүлч
- 2021/06/03
- 501
Үйлдвэр технологийн паркийн эрх зүйн орчинг бүрдүүлнэ
Төрийн өмчийн бодлого зохицуулалтын газрын дарга Б.Цэнгэл өнөөдөр “Эрдэнэт үйлдвэр” ТӨҮГ-т ажиллаж, үйлдвэрлэлийн өнөөгийн байдал, цаашид авах арга хэмжээний талаар үйлдвэрийн газрын удирдлагуудтай ярилцлаа. Монгол Улсын Засгийн газар “Эрдэнэт үйлдвэр” ТӨҮГ-т “Уул уурхай-Металлурги-химийн үйлдвэрийн цогцолбор” үйлдвэрлэл технологийн парк байгуулан хөгжүүлэх эрх олгосонтой холбогдуулан эрх зүйн орчин бүрдүүлэх, хөрөнгө оруулалт, бүтэц зохион байгуулалтын зохицуулалт хийх шаардлага тулгарч байгааг тэрээр онцолсон. Энэ хүрээнд Эрдэнэт үйлдвэрийг түшиглэн үйлдвэрлэл, сургалт, эрдэм шинжилгээ хосолсон цогцолбор бий болох нь үйлдвэржилтийн хөгжилд чухал нөлөө үзүүлэх юм. Түүнээс гадна Төрийн өмчийн бодлого зохицуулалтын газраас цар тахлын үед учирч буй гадаад худалдан авалтын хүндрэлийг даван туулах арга хэмжээ авч, хүндрэл, эрсдэл үүсэхээс урьдчилан сэргийлэн ажиллах талаар үйлдвэрийн газрын удирдлагуудтай санал солилцсон юм.
Санал болгох
-
2023 оны жилийн эцсийн байдлаар Монгол Улсын хэмжээнд бэлгийн замаар дамжих халдварт өвчний 10245 тохиолдол бүртгэгдсэн нь нийт халдварт өвчний 25 хувийг эзэлж ...
Сэтгэгдэл