Дархлаажуулалт хийх зохион байгуулалтаа сайжрууллаа
Эрдэнэт үйлдвэр, уурхайчдынхаа дархлааг сэргээх нэмэлт 3 дахь тунгийн вакцинжуулалтыг 9 дүгээр сарын 9-12-ны өдрүүдэд зохион байгуулж байна. Дархлаа сэргээх 3 дахь удаагийн тунд Файзер вакцин хийхээр сонгож, 7000 тун тарилга татаж авсан. Энэ удаагийн дархлаажуулалтыг богино хугацаанд нэг дор олон хүн бөөгнөрүүлэхгүй байхаар зохион байгуулж, нийт 4 цэгт 13 өртөөгөөр вакцинжуулж байна.
Амралтын өдрүүдэд Хангарьд спорт ордон болон Үйлдвэрийн ерөнхий захиргааны 1-р байрны 4 давхарт вакцинжуулах түр байр ажиллаж байгаа бөгөөд 3 дах өдрийн 12 цагийн дүн мэдээгээр 3360 гаруй ажилтан тэдгээрийн гэр бүл 300 гаруй иргэд дархлаа сэргээх 3-р тунд хамрагджээ.
Дархлаажуулалтыг үйлдвэрийн Ерөнхий захирлын тушаалаар байгуулагдсан мэргэжлийн баг бүрэлдэхүүн, дэд ажлын хэсэг, аймгийн Эрүүл мэндийн газрын 100 гаруй ажилтан бэлтгэл ханган, зохион байгуулан ажиллаж байна.
Э.Мөнх-Уянга
Фото: Ш.Лхамсүрэн
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.
Сэтгэгдэл