Эргэлтийн усны нэг насос шинэчилснээр жилд 956 сая төгрөг хэмнэнэ
Эрдэнэт үйлдвэрийн техник, технологийн шинэчлэлийн хүрээнд Ус хангамжийн цехийн Эргэлтийн усны насосын станц дахь ЦН-3000-197 загварын гурван насосыг Япон улсын “ЕBARA” корпорацын насосоор солилоо. Ус хангамжийн цех нэг насос шинэчилснээр жилд 956 сая төгрөг хэмнэх тооцоо гаргажээ.
1978 онд суурилагдсан, ОХУ-д үйлдвэрлэгдсэн хуучин насос нь цагт 3000 м3 ус шахдаг, 2500 кВт цахилгаан эрчим хүч зарцуулдаг байсан бол, “EBARA”-ийн насос цагт 4000 м3 ус шахах хүчин чадалтай, 120 м-ийн түрэлттэй, 1800 кВт цахилгаан эрчим хүч зарцуулдгаараа давуу юм. Ингэснээр, усан хангамж сайжраад зогсохгүй цахилгаан эрчим хүч хэмнэх, эргэлтийн усны насосын найдвартай ажиллагаа өндөр түвшинд хангагдах нөхцөл бүрдлээ.
М.Одгэрэл
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.
Сэтгэгдэл