- Сэтгүүлч
- 2022/01/21
- 693
Төрийн өмчийн бодлого, зохицуулалтын газрын дарга Б.Цэнгэл ”ЭРДЭНЭТ ҮЙЛДВЭР” төрийн өмчит үйлдвэрийн газарт ажиллаж байна
Дэлхий нийтийг хамарсан Коронавируст цар тахалын нөхцөл байдлаас шалтгаалж Эрдэнэт үйлдвэр уулын баяжуулах үйлдвэрийн зэсийн баяжмалын экспорт 2021 оны 11 дүгээр сарын 29-ний өдрөөс эхлэн бүрэн зогссоны улмаас өнөөдрийн байдлаар 237 вагонд ачсан 15 мянган тонн зэсийн баяжмал төмөр замын өртөөн дээр мөн 90 гаруй мянган тонн зэсийн баяжмал үйлдвэрийн агуулахад хуримтлагдан нийт дүнгээр 200 сая орчим долларын бараа, бүтээгдэхүүн хадгалагдсан байдалтай байна.
Энэхүү хүндрэлтэй нөхцөл байдлыг цаг алдалгүй шийдвэрлэх, цаашид энэхүү тээвэр, ложистикийн асуудлыг цогцоор нь үе шаттай хэрхэн зохион байгуулж, Эрдэнэт үйлдвэрийн экспортын урсгалыг тасралтгүй, шуурхай явуулах асуудлаар Төрийн өмчийн бодлого, зохицуулалтын газрын дарга Б.Цэнгэлээр ахлуулсан баг газар дээр нь ажиллаж байна.
Төрийн өмчийн бодлого, зохицуулалтын газрын дарга Б.Цэнгэл хуримтлагдсан зэсийн баяжмалыг богино хугацаанд оновчтой хувилбараар хэрхэн тээвэрлэх асуудлаар Эрдэнэт үйлдвэрийн саналыг сонсож, бодит байдалтай танилцаж, зохих үүрэг, чиглэл өгч, хамгийн боломжтой хувилбарыг хэрэгжүүлэх чиглэлээр бусад холбогдох төрийн байгууллагуудтай хамтран ажиллаж, шуурхай арга хэмжээ авахаар боллоо.
Санал болгох
-
“Ажнай” Д.Бат-Эрдэнийн бүсэнд 20 гаруй жил хавтага шиг хавчуулаастай яваа хүн бол Өмнөговь аймгийн Засаг дарга Р.Сэддорж. Ноёны бөх гэгчээр Д.Бат-Эрдэнийг У...
-
Монгол Улсын Засгийн газрын 2024 оны 73 дугаар тогтоолоор зэсийн баяжмалыг биржээр дамжуулан арилжаалах шийдвэр гарч, тус тогтоолын дагуу “Монголын хөрөнгийн ...
Сэтгэгдэл