Ирэх жилүүдэд цагаан тоосны дэгдэлт эрс буурна
Эрдэнэт үйлдвэрийг 2031 он хүртэл хугацаанд хөгжүүлэх үндсэн чиглэлийн хүрээнд хийгдэх Баяжуулах үйлдвэрийн өргөтгөл шинэчлэлийн ажилтай уялдуулан хаягдал өтгөрүүлэх технологи нэвтрүүлэхээр төлөвлөж байна. Өнгөрсөн онд уг технологийг нэвтрүүлэх ТЭЗҮ боловсруулах ажил үндсэндээ дуусч, 2022 оны нэгдүгээр сарын 15-нд эцсийн хэлэлцүүлэг хийсэн. Удахгүй Эрдэс баялгийн мэргэжлийн зөвлөлөөр хянагдан батлагдах юм.
Баяжуулах үйлдвэр үйлдвэрлэлээсээ үүссэн 26-28 хувийн хатуулагтай булингыг тээвэрлэн ХАА-д хуримтлуулдаг. Харин хаягдал өтгөрүүлэх технологи нэвтрүүлснээр 60-65 хувийн хатуулагтай өтгөн материал хуримтлуулах юм. Үүн дээр цагаан тоосны дэгдэлт дарах химийн урвалжуудаа ашиглахад барьцалдуулах чадвар нэмэгдэж гадаргуу үүссэнээр цагаан тоосны дэгдэлт одоогийнхоос 80-90 хувь буурна гэж мэргэжилтнүүд үзэж байна. Мөн Хаягдалын аж ахуйн насжилт болон усны хэрэглээнд ч эерэг нөлөө үзүүлэх аж.
Баяжуулах үйлдвэр үйлдвэрлэлээсээ үүссэн 26-28 хувийн хатуулагтай булингыг тээвэрлэн ХАА-д хуримтлуулдаг. Харин хаягдал өтгөрүүлэх технологи нэвтрүүлснээр 60-65 хувийн хатуулагтай өтгөн материал хуримтлуулах юм. Үүн дээр цагаан тоосны дэгдэлт дарах химийн урвалжуудаа ашиглахад барьцалдуулах чадвар нэмэгдэж гадаргуу үүссэнээр цагаан тоосны дэгдэлт одоогийнхоос 80-90 хувь буурна гэж мэргэжилтнүүд үзэж байна. Мөн Хаягдалын аж ахуйн насжилт болон усны хэрэглээнд ч эерэг нөлөө үзүүлэх аж.
Одоогоор хаягдал өтгөрүүлэх технологийг Монголд зөвхөн Оюутолгой компани ашиглаж байна. Эрдэнэт үйлдвэр энэхүү шинэ технологийг нэвтрүүлэхийн тулд үе шаттай туршилтууд хийсэн нь амжилттай болжээ. Түүнээс гадна ирэх онд Хаягдлын аж ахуйд 16-р далан барихдаа давхарлаж биш цагаан тоос дэгддэг элсэн талбайн хэмжээг багасгах зорилгоор нааш нь татаж барихаар төлөвлөн ОХУ-ын Механобр институтээр зураг төсөл хийлгэж байна гэж Баяжуулах үйлдвэрийн дарга М.Отгон ярилаа.
Эрдэнэт үйлдвэр хаягдал өтгөрүүлэх технологийг 2024 оны нэгдүгээр улиралд багтаан нэвтрүүлэхээр төлөвлөн ажиллаж байна.
М.ОДГЭРЭЛ
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.
Сэтгэгдэл