Белазын жолооч нарын гэр бүлд хүндэтгэл үзүүлэв
Олон улсын Эмэгтэйчүүдийн эрхийг хамгаалах өдрийг тохиолдуулан Авто тээврийн цехийн Уулын технологийн тээврийн хэсгийнхэн Белазын жолооч нарын гэр бүлийг хүлээн авч хүндэтгэл үзүүлэн “Эр хүний чимэг бол...Та” сэдэвт сургалтыг “Zayash” кофе лоунжид зохион байгуулав. Сургалтад харилцааны ухааны доктор Н. Алтанцоож уригдаж, эр хүний нөмөр түшиг, белазын жолооч нарын ажлын нөхцөл, тэд хэрхэн ажиллаж, юу бүтээдэг, бахархан дуурайх үйлс бүхнийг нь тодотгон харилцан санал бодлоо солилцлоо.
Мөн цехийн ХАБЭА инженер Г. Бас-эрдэнэ белазын жолоочийн хариуцлага, хөдөлмөрийн аюулгүй байдлын талаар мэдээлэл хийж, ажил амралтыг нь зөв зохицуулж байхыг ар гэрийнхнээс нь хүссэн юм. УТТХ-ийн орлогч дарга Х.Мөнхсайхан болон ээлжийн мастерууд гэнэтийн бэлэг болгон тэнд цугласан ээжүүдэд сарнай цэцэг бэлэглэв.
Цаашид ийм сургалтыг бусад хэсэгт зохион байгуулахаар төлөвлөсөн бөгөөд Белазын жолоочийн ажлын ачаалал, ээлжийн хугацаа, цаг ашиглалтыг хариуцлагажуулах, ёс зүйн зөрчил болон осол аваараас урьдчилан сэргийлэх, гэр бүлийн зөв уур амьсгал ажилтны хөдөлмөрийн үр дүнд чухал нөлөө үзүүлдэг болохыг тодотгов. Түүнчлэн жолоочдын ар гэр болох ээжүүдийг амтат кофе, кейксээр дайлж, халуун дотно яриа өрнүүлж нэгэн шинэ дурсамжийг бүтээв.
Мөн цехийн ХАБЭА инженер Г. Бас-эрдэнэ белазын жолоочийн хариуцлага, хөдөлмөрийн аюулгүй байдлын талаар мэдээлэл хийж, ажил амралтыг нь зөв зохицуулж байхыг ар гэрийнхнээс нь хүссэн юм. УТТХ-ийн орлогч дарга Х.Мөнхсайхан болон ээлжийн мастерууд гэнэтийн бэлэг болгон тэнд цугласан ээжүүдэд сарнай цэцэг бэлэглэв.
Цаашид ийм сургалтыг бусад хэсэгт зохион байгуулахаар төлөвлөсөн бөгөөд Белазын жолоочийн ажлын ачаалал, ээлжийн хугацаа, цаг ашиглалтыг хариуцлагажуулах, ёс зүйн зөрчил болон осол аваараас урьдчилан сэргийлэх, гэр бүлийн зөв уур амьсгал ажилтны хөдөлмөрийн үр дүнд чухал нөлөө үзүүлдэг болохыг тодотгов. Түүнчлэн жолоочдын ар гэр болох ээжүүдийг амтат кофе, кейксээр дайлж, халуун дотно яриа өрнүүлж нэгэн шинэ дурсамжийг бүтээв.
Т.Батчулуун
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.
Сэтгэгдэл