Politic Logo

Тэрээр, “Манлайлал, авъяас чадварын хөтөлбөр”-т сонгогдсон залууст баяр хүргэж, амжилт хүсэхийн зэрэгцээ, тус хөтөлбөрт оролцоно гэдэг бол өндөр хариуцлага гэдгийг онцолж, уул уурхайн салбарын ирээдүйн удирдагч, залгамж холбоо болсон залуус хөтөлбөрийн турш өөрсдийгөө хөгжүүлж, идэвх оролцоо, хариуцлагаар манлайлахыг хүслээ.

     “Манлайлал, авьяас чадварын хөтөлбөр”-т энэ жил шинээр 80 ажилтан оролцож байгаа бол өмнөх жилийн хөтөлбөрийн оролцогч нараас ахисан түвшинд 20 ажилтан хамрагдаж байгаа юм. Энэ үеэр, ахисан түвшний оролцогч нар өмнөх хөтөлбөрөөс сурч, мэдсэн зүйлээсээ ярьж, уригдан ирсэн зочдод өөрсдийн сэтгэгдлээ хуваалцсан юм.

     Эрдэнэт үйлдвэрийн Манлайллын хөтөлбөрт шинээр хамрагдаж буй 80 ажилтан хөтөлбөр эхлэхээс өмнө хувь хүний зан төлөв болон хөгжлийн хэрэгцээг тодорхойлох DISC тест өгч, мэргэжлийн зөвлөхтэй хүн нэг бүр уулзаж, зан төлөвөө оношлуулж, зөвлөгөө авсан байна. Мөн хөтөлбөр нээгдсэн эхний өдрийг “Удирдах ур чадвар” сургалтад хамрагдаж эхлүүлжээ. Залууст мэдлэг түгээсэн Лектор, хуульч Ц.Азбаяр хөтөлбөрийн нээлтэд уригдан ирсэн зочдод “Жинхэнэ манлайлал” илтгэлээ толилуулсан. “Эрдэнэт үйлдвэр” ТӨҮГ-ын Ерөнхий захирал Х.Бадамсүрэн “Манлайлал, авьяас чадварын хөтөлбөр”-ийн оролцогч нарт хандан баяр хүргэн, амжилт хүсээд, Эрдэнэт үйлдвэрийн техник, технологийн шинэчлэл, хөгжил бол хүний төлөө ажил гэдгийг онцоллоо.

Хөтөлбөрт оролцож буй залуусыг Эрдэнэт үйлдвэрийнхээ хөгжлийн төлөө, хамт олныхоо төлөө, дунд, ахмад үеийнхнээ жигүүрлэн, манлайлж ажиллахыг хүссэн. Үйлдвэр, цаашлаад эх орныхоо хөгжлийн төлөө гэсэн сэтгэл, зүтгэлтэй зуу, зуун залуус хувь хүний хувьд, ажил мэргэжлийнхээ хувьд хөгжиж, өсөн дэвшихийг ерөөн, “Сайн ажиллаж, сайхан амьдарцгаая”, хэмээн уриаллаа. “Манлайлал, авъяас чадварын хөтөлбөр” 2022-2024 оны хугацаанд ахисан түвшинд гурван жил хэрэгжих юм.