Politic Logo

Булган аймагт 2024 оны орон нутгийн сонгуульд МАН ялалт байгуулж, миний бие 2024 оны 11 дүгээр сарын 14-ны өдрөөс аймгийн Засаг дарга хэмээх хариуцлагатай ажлыг хашаад жил гаруй болж байна.

Энэ хугацаанд Булган аймгийн Ардчилсан намын зүгээс улс төрийн акц хийж доорх бичлэгтэй холбоотой өргөдөл, гомдол гарган бүх газруудад шалгуулж байгаа. Сонгуульд ялагдсан улс төрийн намын хувьд бол хийх л асуудал байх. Үндсэн хуулийн цэц дээр хүртэл яригдаж байна.

Залуу хүний хувьд нэг талд нь гаргаад мухарлах нь зөв зүйтэй гэж бодож шалгагдаж байгаа газар бүрт тайлбар, баримтуудаа хүргүүлж байгаа. Учир нь надаар дамжуулан Иргэний нисэх, түүний харьяа газруудад ажилласан мянга мянган ажилтнууд төрд ажилласнаа тооцуулах боломжтой чухал жишээ болж шийдэгдэнэ. Үүн дээр би өөрөө итгэл үнэмшилтэй байна.

Учир нь аймгийн Засаг даргаар томилогдоход төрд 3-н жил ажилласан байх шаардлагатай гэсэн байдаг болохоос заавал Төрийн захиргаа, дэс түшмэл, эрхэлсэн түшмэл гэж тусгайлан заагаагүй байдаг. Нөгөө талаас ИНЕГ бол 2025 он хүртэл Засгийн газрын хэрэгжүүлэгч агентлаг гэж явдаг байсан. Харин энэ жилээс зохицуулагч агентлаг болсон байна лээ.

Миний бие ИНЕГ-ын Нисэх буудлуудын удирдах газарт 2018-2022 онд, түүний харьяа Иргэний нисэхийн үндэсний төвд 2022-2023 оны хооронд ажилласан нь үнэн, хуурамчаар үйлдсэн, нуусан, хаасан зүйл байхгүй!!!

Өмнө нь энэ талаар сурвалжилж ирсэн бүх сайт, ТВ-үүдэд бодит хариу тайлбарыг нэг ч татгалзалгүй, зугталгүй өгөөд л өнөөдрийг хүрч байгаа.

Мөн эцэслэн хуулийн байгууллагаар шийдэгдээгүй зүйл дээр хэн нэгэн өөрийнхөө илэрхийлж байгаа зүйлээ үнэн юм шиг сошиалд цацах байдал хэрээс хэтэрч байгаад харамсаж байна.

Эцэст нь хэлэхэд Булган аймгийн маань ажил бүтэмжтэй, сайхан явж байгаа шүү. Манайх руу дахиад олон захиалгат хүмүүс ирж байгаа гэнэ, нээлттэй ярилцахад бэлэн байна .