Politic Logo

Ёкозүна Хакүхо Даваажаргал шинэ коронавирусний халдвар авсан нь батлагдлаа гэж Японы мэргэжлийн Сүмогийн бөхийн холбоо өнөөдөр зарлалаа.

Мэргэжлийн Сүмо бөхийн дээд зиндаанд 44 удаа түрүүлж дээд амжилт тогтоосон Монголоос төрсөн их аварга Ням гарагт Токио хотноо эхлэх Их сүмогийн шинэ жилийн тэмцээнд оролцохоор бэлтгэлээ базааж байсан хэмээн тус улсын japantimes.co.jp сайт мэдээлсэн байна.

Эргэн сануулахад их аварга  2019 оны есдүгээр сард албан ёсоор Япон улсын иргэн болсон билээ. Учир нь Сүмо бөхийн карьераа үргэлжлүүлж, зодог тайлсан ч өөрийн гэсэн дэвжээгээ байгуулж, шавь нараа бэлтгэхийн тулд заавал Япон улсын иргэн байх ёстой гэсэн Сүмо бөхийн холбооны дүрмийн дагуу ийм шийдвэр гаргасан гэдгээ тайлбарласан юм.