УИХ-ын гишүүн С.Ганбаатар МАХН-аас гарсан даруйдаа АН-д элсч гишүүнчлэлээ баталгаажуулсан. Улмаар Ерөнхийлөгчийн сонгуульд өрсөлдөх хүсэлтээ өгч дотоод сонгуульд оролцохоор болсон ч амжилт үзүүлж чадаагүй юм.

Улмаар ИЗНН-аас мэдэгдэл гаргаж, УИХ-ын гишүүн С.Ганбаатарын туйлбаргүй, явцуу үйлдлийг өөгшүүлэн дэмжихгүй байхыг уриалжээ.

Тус мэдэгдэлд “ С.Ганбаатар 2020 оны УИХ-ын сонгуульд “Та Бидний эвсэл”-ээс нэр дэвшсэн бөгөөд МАХН, МАН-тай нэгдсэнээр намаасаа гарсан. Та бидний эвслийн олонхийг бүрдүүлэгч ИЗНН, МУНН-ууд нь УИХ-ын Сонгуулийн тухай хуулийн 27.10-н дагуу Эвслийн үйл ажиллагааг явуулах хууль, эрх зүйн бүрэн чадамжтай байсан. Гэвч түүний гаргасан үйлдлийн улмаас "Та Бидний Эвсэл"-ийг Ерөнхийлөгчийн сонгуульд нэр дэвшүүлэн оролцох эрхгүй боллоо. Иргэдийн сонгох эрхэнд ноцтойгоор халдсан Сайнхүүгийн Ганбаатар энэ үйлдэлдээ хариуцлага хүлээх ёстой.  С.Ганбаатарын энэ туйлбаргүй,  явцуу үйлдлийг өөгшүүлэн дэмжихгүй байхын АН-ын удирдлага, гишүүдэд уриалж байна” гэжээ.

Ийнхүү нам дамжигчаараа алдартай УИХ-ын гишүүн С.Ганбаатар хоёрхон өдрийн дотор МАХН-ыг орхиж, ИЗНН-ыг ч хулхидаж, АН-ыг сонгосон ч амжилт олж чадсангүй.

Санал болгох

Сэтгэгдэл

Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. POLITIC.mn сайтын редакц

Сурталчилгаа

Politic News

Сурталчилгаа