Мобиком корпораци, Эрдэнэт үйлдвэртэй хамтын ажиллагаагаа өргөжүүлэх чиглэлээр санал солилцлоо
Мэдээллийн технологийн эрин үетэй хөл нийлүүлж, дижитал шилжилтээр уул уурхайн салбарт тэргүүлэгч Эрдэнэт үйлдвэр цаашид мэдээллийн аюулгүй байдлыг бүрэн хангах тал дээр Мобиком корпорацитай хамтран ажиллах хүсэлтэй байгаагаа Ерөнхий захирал Х.Бадамсүрэн илэрхийлсэн. Хамтын ажиллагаагаа өргөжүүлэх чиглэлээр тоон өгөгдөл дамжуулах нөөц холболтын сүлжээ бий болгох, мэргэжилтнүүдээ сургалтад хамруулах, үйлчилгээний үнэ тарифыг тодорхой хэмжээнд хөнгөлж өгөх зэрэг Эрдэнэт үйлдвэрийн зүгээс тавьсан санал хүсэлтийг шийдвэрлэх боломжтой гэдгээ Мобиком корпорацийн Ерөнхий захирал Тацуяа Хамада хэлж байлаа. Тэрээр Мобиком корпорацийн Ерөнхий захирлын албан үүргээ Маркетинг хариуцсан дэд захирал Кожи Курушимад хүлээлгэн өгөх болсноо дуулгаж, корпорацийн шинэ Ерөнхий захирлыг дэмжин, урт хугацаанд хамтран ажиллахыг хүссэн юм.
И.ЧИНТОГТОХ
Б.БАТТӨГС
Сэтгэгдэл