Байгаль орчны цахим сургалтууд болов
Байгаль орчин, ногоон хөгжлийн хэлтэс, “Грийн химистри” ХХК-тай хамтран “Химийн бодисын аюулгүй байдал, хүрээлэн буй орчин-2022” сэдэвт, “Эко-Монгол эрдэнэ” Мэргэжил сургалт үйлдвэрлэлийн төвтэй хамтран “Мод суулгах, арчлах арга аргачлал” сэдвээр сургалтууд зохион байгуулав.
Энэ сарын 3-наас 5-ны өдрүүдэд болсон уг сургалтуудад бүтцийн нэгжүүдийн дарга, мэргэжилтнүүд, байгаль орчин болон химийн бодис хариуцагч 200 гаруй хүн хамрагдав.
“Химийн хорт болон аюултай бодистой харьцаж ажиллах аюулгүй ажиллагаа” Химийн бодисын салбар бүрийн хууль, дүрэм журам, стандартын шинэчлэл, өнөөгийн байдал, цаашид авах арга хэмжээний талаарх хичээлийг 14 дэд сэдвээр 16 цаг, “Мод суулгах, арчлах арга аргачлал”-ыг есөн дэд сэдвийн хүрээнд найман цагийн сургалт зохион байгууллаа, гэж Байгаль орчин, ногоон хөгжлийн хэлтсийн Ногоон хөгжил, нөхөн сэргээлтийн албаны дарга Б.Пүрэвсүрэн мэдээллээ.
Сэтгэгдэл